Patuloy na sinusuportahan ang edukasyon ng mga mag-aaral na may kapansanan sa pamamagitan ng pagpapamahagi ng educational subsidy sa 125 mag-aaral sa San Fernando City SPED Integrated School noong ika-4 ng Setyembre 2026.

Pinangunahan ng Persons with Disability Affairs Office ang pamimigay ng mga educational subsidy sa mga mag-aaral na sakop ng Tuloy Aral, Walang Sagabal (TAWAG) Program ng pamahalaang lungsod.

Alinsunod sa Republic Act 11650 o ang Inclusive Education Act of 2022, kinikilala at pinangangalagaan ang karapatan ng bawat batang may kapansanan na maipagpatuloy ang kanilang pag-aaral nang walang diskriminasyon.

Bilang tugon ng pamahalaang lungsod, nilalayon ng TAWAG Program na maibsan ang pinansyal na pasanin ng mga pamilya upang matiyak na walang mag-aaral ang mapipilitang huminto sa pag-aaral dahil sa kawalan ng sapat na suporta.

Ipasigurado ti #SanFernandoTayo nga tunggal ubing iti #PeoplesCity ket maikkan iti agpapada a gundaway nga makasuro, dumakkel, ken maaddaan iti nasaysayaat a masakbayan.