Umabot sa 515 kilo ng mga recyclable materials ang nakolekta at matagumpay na nailigtas mula sa mga tambakan at landfill dahil sa nagkakaisang pagkilos ng mga residente, pribadong indibidwal, at mga kawani ng pamahalaang lungsod noong Hunyo 30, 2026 habang isinasagawa ang “Palit Basura, Palit Bombilya Project”.

Sa halip na matapon at makasira sa kalikasan, ang mga nakolektang papel, karton, at mga plastik ay ligtas na dinala sa proper waste management facility. Bilang sukli at insentibo sa aktibong partisipasyon ng mga mamamayan, nag-uwi ang mga nakiisa ng grocery items na nagkakahalaga ng ₱1,348, kasama ang 188 seedlings na maaari nilang itanim upang mas lalo pang paluntiin ang kani-kanilang mga bakuran.

Naging katuwang ng mga residente sa tagumpay na ito ang City Environment and Natural Resources Technical Team, Team SAFE, City Landfill Team, at Botanical Garden Staff. Ang kanilang layunin ay hindi lamang kumolekta ng basura, kundi higit pang payabungin ang kultura ng pagre-recycle at tamang pagtatapon sa bawat tahanan at tanggapan sa lungsod.

Ang tagumpay ng programang ito ay patunay na kapag ang mamamayan mismo ang kumilos at nagmamalasakit, kayang-kaya nating panatilihing malinis at luntian ang kinabukasan ng ating #PeoplesCity ng #SanFernandoTayo.