Sa pangunguna ng City Legal Office, nagsagawa ng seminar para sa 113 miyembro ng Traffic Management Unit (TMU) at Civil Security Unit (CSU) ng Office for Public Safety (OPS) upang mapaigting ang mas ligtas at inklusibong pampublikong lugar para sa lahat ng residente ng City of San Fernando.

Upang bigyang-diin ang tema ng seminar na “Gender-Based Sexual Harassment on the Streets and Public Spaces,” tinalakay ang mga paksa tungkol sa gender sensitivity at mga batas tulad ng R.A. 11313 o Safe Spaces Act, R.A. 7877 o Anti-Sexual Harassment Act of 1995 at ang 2017 Rules on Administrative Cases in the Civil Service.

Ayon sa Guidelines on the Localization of Safe Spaces Act, inaatasan ang City Government na italaga ang traffic enforcers at iba pang local law enforcement units bilang Anti-Sexual Harassment Enforcers o ASHEs.

Kaagapay ng ating kakabsat ang City Government at mga kawani ng Local Law Enforcement para sa ating mas ligtas na komunidad dito sa #SanFernandoTayo!