Sa layuning magbigay ng pag-asa at saya, isinagawa ng City Government ang Handog Pasasalamat para sa mga persons deprived of liberty (PDL) sa San Fernando City Jail sa Bureau of Jail Management and Penology (BJMP).

Sa unang araw ng aktibidad, nag-enjoy sa board games at group activities ang mga PDL sa BJMP habang sa pangalawang araw naman, pinangasiwaan ni Rev. Fr. Perpetuo B. Concepcion ang Eucharistic Mass na sinundan ng pagbahagi ni Manong Dong ng kaniyang mensahe.

Dagdag pa rito, nagkaroon din ng basketball at volleyball exhibition games kasama ang mga PDL, raffle draw, dance competition, singing competition, at bigayan ng mga regalo sa mga inmate.

Kakabsat, kasama pa rin natin sa kasiyahan ang kakabsat nating kasalukuyang wala sa kanilang mga tahanan. Gayunpaman, nawa’y lagi nating alalahanin ang kakabsat nating PDL at iparamdam sa kanila ang pagmamahal ng #PeoplesCity ng #SanFernandoTayo.