Presidente ng city federation of senior citizens association, inc., binigyan ng parangal ng pglu

Isa sa sampung ginawaran ng parangal na Naisangsangayan a Nataengan ti Probinsia ti La Union si Natividad Pelaez, presidente ng City Federation of Senior Citizens Association, Inc. (CFSCAI) sa City of San Fernando.
Nitong Oct. 21, iginawad ni Manong Dong ang nasabing parangal kay Lola Natividad upang kilalanin ang pagiging uliran niyang senior citizen sa ating siyudad. Bilang presidente ng CFSCAI, itinaguyod niya ang mga proyekto para sa seniors, bago ang pandemya maging hanggang ngayon.
Sa rekomendasyon ni Provincial Social Welfare and Development Officer Ranilo Ipac at ng Selection Committee, ipinasa ng Sangguniang Panlalawigan ang Resolution No. 1358-2021 na siyang kumikilala sa sampung ulirang seniors mula sa iba’t ibang bahagi ng La Union.
Kasama ni Lola Natividad sa pagiging ulirang senior sina Joven Costales ng Naguilian, Gabriel Sotto ng Bauang, Cecilia Reyes ng Luna, Ma. Minda Fontanilla ng Bacnotan, Teresita Rillera ng Sto. Tomas, Teresita Opeña ng Santol, Felicitas Macazo ng Bangar, Ley Buquing ng Sudipen, at Rogelio Tangalin ng Agoo.
Proud kami sa’yo, Lola Natividad! Isa kayong malaking inspirasyon sa’ting kakabsat ngayong panahon ng pandemya. Marami mang hamon ang kinakaharap ng siyudad, sama-sama nating susuportahan ang isa’t isa para sa pagbangon ng ating mahal na #SanFernandoTayo!




RECENT POSTS
MGA BARANGAY NG MASICONG AT PAGUDPUD, BINISITA NG TASK FORCE UMISU
<strong>TINGNAN: KASALUKUYANG ISINASAGAWA ANG DUGONG BUHAY: A BLOOD LETTING PROJECT SA ABC HALL, CITY HALL, SAN FERNANDO, LA UNION NGAYONG ARAW MAY 12, 2023.</strong>
CHILD DEVELOPMENT WORKERS, SUMAILALIM SA BASIC COMPUTER LITERACY TRAINING
CITY OF SAN FERNANDO, LA UNION, ISA SA MGA SIYUDAD SA PILIPINAS NA INIMBITAHAN NA MAGING PANEL SA WeGO
FARMER AND FISHERFOLK SYMPOSIUM, ISA SA MGA AKTIBIDAD NG BULAN TI MANNALON KEN MANGNGALAP 2023