Inilunsad na ng lokal na pamahalaan ng San Fernando ang NASUDI ngayong araw, ika -18 ng Nobyembre, 2020. Ito ay isang proyekto na naglalayong mabigyan ng pansamantalang tahanan ang mga kabataan at kababaihang biktima ng karahasan, pang-aabuso at kapabayaan. Ang programang ito ay pinangangasiwaan ng City Social Welfare Development Office (CSWDO).

Ang mga benepisyaryo na naninirahan sa nasabing pasilidad ay nabibigyan ng pangunahing tulong gaya ng counseling, medical services na pinangungunahan ng City Health Office (CHO), skills development program, at spiritual enhancement.

Tunay ngang sa siyudad ng San Fernando, patuloy tayong kikilos at magbibigay serbisyo upang mabigyan ng proteksyon ang mga kabataan at kababaihan. Ang disenteng lugar na kanilang tinutuluyan ngayon ang nagbibigay sa kanila ng panibagong pag-asa na makaahon at makatayo muli.

Sa pagbibigay natin ng dekalidad na programa tunay nating naipapakita na #WalangMaiiwan sa ating bayan, dahil dito sa People’s City #WalangMapapabayaan at taas noo tayong tatayo. (KMCCO-IDS)